Bhagavadgita 3.27

Bālabodhinī 3.27

Language: Sanskrit

3.27

kartā karotīti kartā syāṃ bhaviṣyāmi | ahameva imāḥ prajāḥ upahanyāṃ malinīkuryām |
tattvaviditi | he mahābāho he vivekin ! tattvavit tattvaṃ yāthātmyaṃ vetti jānātīti tattvavit jñānī guṇakarmavibhāgayoḥ guṇāśca deheṃdriyāṃtaḥkaraṇāni karmāṇi ca deheṃdriyavyāpārabhūtakarmāṇi guṇakarmāṇi guṇakarmaṇāṃ samāhāraḥ guṇakarma vibhajyata iti vibhāgaḥ vibhajyate sarveṣāṃ vikārāṇāṃ prakāśakatvena pṛthagbhavatīti vibhāgaḥ svaprakāśajñānarūpaḥ ātmā guṇakarma ca vibhāgaśca guṇakarmavibhāgau tayoḥ yaḥ tattvaṃ yāthātmyaṃ vetti jānāti sa tu jñānasaṃpannastu na sajjate kartṛtvābhiniveśaṃ na karoti | kiṃ kṛtvā | guṇāḥ iṃdriyāṇi guṇeṣu viṣayeṣuvarttatenāhamiti matvā |

Previous: 3.26
Next: 3.28
Up: 3

Linked texts (1)

Bhagavadgītā — Vyāsa, Sanskrit