Bhagavadgita 3.39

3.39

kāma eva krodhaḥ bhavati eṣa eva kāma eva kenacit hetunā pratihataḥ san kuṃṭhitaḥ san krodhatvena pariṇamate pariṇāmaṃ prāpnoti | tvaṃ enaṃ kāmaṃ iha mokṣamārge vairiṇaṃ śatruṃ viddhi jānīhi | kathaṃbhūtaḥ kāmaḥ | rajoguṇasamudbhavaḥ rajoguṇāt samudbhavatīti tathoktaḥ | punaḥ kathaṃbhūtaḥ kāmaḥ | mahāśanaḥ mahat aśanaṃ viṣayagrahaṇaṃ yasya saḥ duṣpūraḥ | punaḥ kathaṃbhūtaḥ kāmaḥ | mahāpāpmā mahat pāpaṃ yasmāt saḥ atyugraḥ |
iṃdriyāṇīti | iṃdriyāṇi śabdasparśarūparasagaṃdhagrāhakāṇi cetyaparaṃ manaḥ saṃkalpavikalpātmakaṃ ca . buddhiḥ adhyavasāyātmikā asya kāmasya adhiṣṭhānaṃ āśrayaḥ ucyate kathyate | eṣaḥ kāmaḥ etaiḥ iṃdriyādibhiḥ jñānaṃ vivekajñānaṃ āvṛtya ācchādya dehinaṃ deho'syāstīti dehī taṃ dehinaṃ dehābhimāninaṃ jīvaṃ vimohayati viśeṣeṇa mohayuktaṃ karoti |