Bhagavadgita 5.2

Bālabodhinī 5.2

Language: Sanskrit

5.2

śrīḥ | jñānakarmopadeśena saṃśayāviṣṭamānasam | codayāmāsa yaḥ prītyā sa kṛṣṇaḥ śaraṇaṃ mama |
jñeya iti | saḥ karmayogī nityasaṃnyāsī nityaṃ sādhāraṇatayā phalatyāgena saṃnyāsīva saṃnyāsī nityasaṃnyāsī jñeyaḥ jñātuṃ yogyaḥ jñeyaḥ asti | yaḥ karmayogī iṣṭaprāptau na dveṣṭi kasyāpi dveṣaṃ na kurute iṣṭaviyoge na kāṃkṣati kimapyarthajātaṃ necchati | he mahābāho ! he paravidyādānasamartha ! saḥ karmayogī sukhaṃ anāyāsena baṃdhāt karmajanyasaṃsārabaṃdhanāt pramucyate prakarṣeṇa mukto bhavati | hi iti niścayena | kathaṃbhūtaḥ saḥ | nirdvaṃdvaḥ nirgatāni gatāni dvaṃdvāni sukhaduḥkhādīni yadvā śītoṣṇādīni yadvā snehamohādīni yasmātsaḥ |

Previous: 5.1
Next: 5.3
Up: 5

Linked texts (1)

Bhagavadgītā — Vyāsa, Sanskrit