Bhagavadgita 5.23

5.23

yoṃtaḥsukha iti | yaḥ yogī paramahaṃsaḥ aṃtaḥsukhaḥ aṃtaḥ ātmanyeva sukhaṃ yasya saḥ tathā aṃtarārāmaḥ aṃtaḥ ātmani ārāmo krīḍā yasya saḥ varttate | cetyaparaṃ yaḥ yogī aṃtarjyotireva aṃtaḥ ātmani jyotiḥ dṛṣṭiḥ yasya saḥ varttate | evaśabdena viṣayeṣu na sukhaṃ na krīḍā na dṛṣṭiḥ saḥ prasiddhaḥ yogī brahmabhūtaḥ san brahmatādātmyamāptaḥ san brahma bṛhat vyāpakaṃ adhigacchati prāpnoti | kathaṃbhūtaṃ brahma | nirvāṇaṃ vaṇatīti vāṇaṃ vaṇati niraṃtaraṃ janmamaraṇaṃ gacchati nirgataṃ vāṇaṃ yasmāt tat tathoktam |