Bhagavadgita 18.4

Tattvaprakāśikā 18.4

Language: Sanskrit

18.4

ta0 ṭī0-evamupādeyāṃ saṃpadamuktvā heyāmāsurīṃ saṃpadaṃ saṃkṣipyaikena ślokenāha-dambha iti | dambho dhārmikatvakhyāpanāya kiñciddharmācāraḥ, darpo dhanavidyādinimittamauddhatyam, abhimānaḥ abhijātyādinimitta ātmanyatiśreṣṭhatvābhiniveśaḥ, krodhaḥ parapīḍāheturabhijvalanātmakaścittavikāraḥ, pāruṣyaṃ rūkṣavadanenāpriyavācitvam, ajñānaṃ tattvātattvakṛtyākṛtyavivekaśūnyatvaṃ, cakāro bhayasattvāśuddhyadhṛtyādidoṣāṇāṃ samuccayārthaḥ | ete doṣā āsurīṃ sampadamabhijātasya bhavanti | asurā bhagavadājñāviparītācāraśīlāsteṣāṃ saṃbandhinī saṃpadāsurī tāmabhilakṣya jātasya tāmevābhivarttayituṃ jātasya bhavantītyarthaḥ |

Previous: 18.3
Next: 18.5
Up: 18

Linked texts (1)

Bhagavadgītā — Vyāsa, Sanskrit