Bhagavadgita 2.46

Tattvaprakāśikā 2.46

Language: Sanskrit

2.46

ta0 ṭī0-nanu bandhukṛpāmohena tvayi nirviṇṇe'pi pareṣāṃ bhīmādīnāṃ ca nirvedābhāvādrājyahetoste parasparaṃ yotsyanta eva | tato yuddhā''veśena dhārtarāṣṭrāstvāmapi haniṣyanti cettadā tvayā kiṃ karttavyamiti cettatrāha-yadīti | apratīkāraṃ prāṇatrāṇāya pratīkāramakurvantamaṃta evāśastraṃ māṃ yadi śastrapāṇayaḥ dhārtarāṣṭrāḥ lobhā''viṣṭacetastvena naṣṭajñānā raṇe hanyuścettarhi ajasranarakaphalādbandhuvadhāttanmaraṇaṃ me kṣemataraṃ bhavedatyarthaṃ hitaṃ bhavet | etaccharīranāśe'pi "kimahaṃ pāpamakaravaṃ | kimahaṃ sādhu nākaravam" ityevaṃ paścāttāpābhāvāditi bhāvaḥ |

Previous: 2.45
Next: 2.47
Up: 2

Linked texts (1)

Bhagavadgītā — Vyāsa, Sanskrit