Bhagavadgita 3.20

3.20

ta0 ṭī0-hananakriyāyāḥ kartā karma vā'yaṃ kuto na bhavatītyapekṣāyāṃ janmādiṣaḍvikriyārahitatvādityāha-neti | ayaṃ puruṣo na jāyate notpadyate | vāśabdaścārthe | na cāyaṃ kadācinmriyate | tatkuto yasmānnāyaṃ bhūtvā bhavitā vā na bhūyaḥ | ayamātmā pūrvaṃ bhūtvā paścānna bhaviteti | na yo hi abhūtvā bhavitā sa utpadyate yaśca prāgbhūtvā bhūyo na bhavitā sa mriyate ityucyate ayaṃ tu prāgapi sattvānnotpadyate uttarakāle'pi sattvānna mriyate| yato na jāyate'to'jo, na mriyate'to nityaḥ, iti dvābhyāṃ padābhyāṃ janmamaraṇalakṣaṇe vikriye niraste | astitvalakṣaṇavikāravāraṇāyāha | śāśvata iti | sanātanaḥ prākṛtavatsadasatpariṇāmaśūnya ityarthaḥ | vṛddhilakṣaṇavikriyāvāraṇāya purāṇa iti | purāpi nava eva| yo hi sāvayavaḥ so'vayavopacayādvarddhate ayaṃ tu niravayavo jñānaikasvarūpatvānna varddhate ityarthaḥ | pariśiṣṭau pariṇāmāpakṣayau janmamaraṇāstitvavṛddhyabhāvādeva nirastau | evaṃ ṣaḍvikāraśūnya ātmā śarīre hanyamāne sati na hanyate | śarīrameva hananakriyāyāḥ karmabhūtamityarthaḥ |