Bhagavadgita 3.22

Tattvaprakāśikā 3.22

Language: Sanskrit

3.22

ta0 ṭī0-nanvātmanāmāvināśitvena śokānarhatve'pi dehānāṃ vināśitvāttadvināśinimitte yuddhe priyabhogasādhanabhūteṣu bhīṣmādipriyadeheṣu naśyatsu tadviyoganimittaḥ śokaḥ syādevetyāśaṅkāyāmāha-vāsāṃsīti| yathā naro jīrṇāni vāsāṃsi vihāyā'parāṇi navāni gṛhṇāti na tattyāge śoko bhavati pratyuta harṣa eva jāyate | tathā dehī jīrṇāni śarīrāṇi vihāyā'nyāni navāni śarīrāṇi saṃyāti prāpnoti | na tasya pūrvadehatyāge śoko bhavati pratyuta harṣa evopajāyate | tasmātsvadharme yuddhe pūrvaśarīraṃ tyaktvā'nyatkalyāṇataraṃ śarīraṃ gṛhṇatāṃ bhīṣmādīnāṃ harṣaviśeṣa evotpatsyate | atastvayā tadupakāra eva kṛtaḥ syānna drohasambhāvanā kartavyeti bhāvaḥ |

Previous: 3.21
Next: 3.23
Up: 3

Linked texts (1)

Bhagavadgītā — Vyāsa, Sanskrit