Bhagavadgita 3.33

Tattvaprakāśikā 3.33

Language: Sanskrit

3.33

ta0 ṭī0-yadukam 'etānna hantumicchāmi ghnato'pi madhusūdana | api trailokyarājyasya hetoḥ kinnu mahīkṛte || kathaṃ bhīṣmamahaṃ saṃkhye droṇaṃ ca madhusūdana | iṣubhiḥ pratiyotsyāmi' iti tasyottaramāha-atha cediti | atha pakṣāntare | aihikāmuṣmikasukhalābhānapekṣayā cedyadi dharmmyaṃ dharmmādnapetam 'nirjitya parasainyāni kṣitiṃ dharmeṇa pālayet' iti śāstravihitamimaṃ saṃgrāmaṃ tvaṃ na kariṣyasi tataḥ saṃgrāmākaraṇātsvadharmaṃ svadharmajanyaṃ niratiśayasukhaṃ devasamamahāvīrapuruṣavijayāgāminīṃ kīrttiṃ ca hitvā pāpamavāpsyasi |

Previous: 3.32
Next: 3.34
Up: 3

Linked texts (1)

Bhagavadgītā — Vyāsa, Sanskrit