Bhagavadgita 3.44

Tattvaprakāśikā 3.44

Language: Sanskrit

3.44

ta0 ṭī0-nanu vidhivadadhītavedānāṃ tadarthapariśīlināṃ paṇḍitānāmapi vyavasāyātmikā buddhiḥ kuto na bhavatītyapekṣāyāṃ vedaśirobhāgamaviditvā vedatātparyājñānādityāha-yāmiti tribhiḥ | yāmimāṃ vakṣyamāṇāṃ puṣpitāṃ viṣalatāvadāpātaramaṇīyāṃ prakarṣeṇa vadanti te'vipaścito jñānahīnāḥ natu paṇḍitāḥ | kuto yato vedavādaratāḥ vedeṣu ye phalārthavādāḥ "akṣayyaṃ ha vai cāturmāsyayājinaḥ sukṛtaṃ bhavati, apāma somamamṛtā abhūma, yatra noṣṇaṃ naca śītaṃ syānna glānirnāpyarātayaḥ " ityādayasteṣu ratāḥ saktāḥ | saktatvalakṣaṇaṃ nānyadastīti vādina iti | svargādibhogādadhikaṃ kiñcitphalaṃ mokṣasukhaṃ nāstīti vadanaśīlāḥ |

Previous: 3.43
Next: 3.45
Up: 3

Linked texts (1)

Bhagavadgītā — Vyāsa, Sanskrit