Bhagavadgita 3.58

Tattvaprakāśikā 3.58

Language: Sanskrit

3.58

na0 ṭī0-kimāsītetyasyottaramāha-yadeti | yadā samādhervyutthānasamaye ayaṃ yogī indriyārthebhyaḥ śabdādiviṣayebhyaḥ sarvebhyaḥ sarvaśa indriyāṇi śrotrādijñānendriyāṇi saṃharate bahirna pravartayati karmendriyāṇi tvāvaśyake karmaṇi saṃkocena pravartayati ca | tatra dṛṣṭāntaḥ kūrmāṅgānīveti | yathā kūrmo'nyabhayātkaracaraṇādyaṅgāni śarīrāntarupasaṃharati āhārārthaṃ śanairniḥsārya pravartate ca tadvat | tasya prajñā pratiṣṭhitā sthitaprajña evamāsītetyarthaḥ |

Previous: 3.57
Next: 3.59
Up: 3

Linked texts (1)

Bhagavadgītā — Vyāsa, Sanskrit