Bhagavadgita 3.59

3.59

ta0 ṭī0-nanvayogināṃ mūḍhānāmapi rogādivaśādindriyāṇi viṣayebhyaḥ svayamupasaṃhriyante kathamitindriyāṇāṃ viṣayeṣvapravartanaṃ sthitaprajñasya lakṣaṇamiti cettatrāha-viṣayā iti | nirāhārasya rogeṇa bhojanarahitasya dehina indriyaśaithilyādviṣayāḥ śabdasparśādibhogāstadgrahaṇāśakyatvādviśeṣeṇa nivartante iti satyaṃ, tathā'pi rasavarjaṃ raso viṣayeṣvatyantarāgaḥ snehastaṃ vinā rogeṇa puruṣasya viṣayabhogo nivartate,parantu duḥkhanivṛtteranantaraṃ madhurāmlabhakṣaṇapānastrībhogādi sarvaṃ sukhaṃ bhokṣyāmīti manasi vāsanā na nivartate ityarthaḥ | sa raso'pi asya viduṣaḥ paraṃ paramānandaṃ dṛṣṭvā nivartate | nahi nityānantānandajñasya vināśine tucchānande rāgo bhavati | paraśabdārthastu sarvānandakāraṇasya nikhilaheyagandhavarjitasya ( dhyeyasya ) bhagavataściddhanaṃ vapureva " etasyaivānandasyānyāni bhūtāni mātrāmupajīvanti | yadātmako bhagavāṃstadātmikā vyaktiḥ kimātmako bhagavān jñānātmaka aiśvaryātmakaśca " iti śruteḥ|