Bhagavadgita 3.61

Tattvaprakāśikā 3.61

Language: Sanskrit

3.61

ta0 ṭī0-yasmādavaśīkṛtendriyāṇyanarthakāraṇāni tasmānmumukṣuṇā prathamaṃ tajjayaḥ kartavya ityāhatānīti | tāni duṣṭāni sarvāṇīndriyāṇi saṃyamya samyaṅniyamya vaśīkṛtya yuktaḥ dhyeye niyuktamanā āsīta samādadhyādityarthaḥ | nanu yadi tāni pramāthīni tarhi kathaṃ teṣāṃ saṃyamaḥ syādityata āhamatpara iti | ahaṃ hṛṣīkeśaḥ para utkṛṣṭa upāyo yasya sa tathā madāśrayo bhūtvā anāyāsena jayedityarthaḥ | madāśrayaṇaṃ vinendriyāṇi vaśīkartumaśakyānīti bhāvaḥ | indriyavaśīkaraṇameva puruṣārthakāraṇamityāhavaśe hīti | hītyavadhāraṇe | yasya sādhakasyendriyāṇi vaśe bhavanti tasyaiva prajñā pratiṣṭhitā bhavati nānyasyetyarthaḥ | etāvatā kimāsītetyasyottaramuktam |

Previous: 3.60
Next: 3.63
Up: 3

Linked texts (1)

Bhagavadgītā — Vyāsa, Sanskrit