Bhagavadgita 3.60

Tattvaprakāśikā 3.60

Language: Sanskrit

3.60

ta0 ṭī0-sthitaprajñatāyāmindriyasaṃyamasya kāraṇatvamuktaṃ tadabhāve doṣamāha-yatata iti | he kaunteya ! vipaścitaḥ vividhaṃ guṇadoṣaṃ paśyato vivekinaḥ puruṣasya yatato'pi mano dhyeyarūpe pravaṇīkaraṇārthaṃ bhūyo bhūyo viṣayebhyo nivartane prayatamānasyāpi manaḥ sarvendriyāṇi prasabhaṃ balātkāreṇa haranti viṣayeṣu rāgavatkurvanti | yatato'pi vipaścitaśca kathaṃ haranti tatrāha-pramāthīnīti | pramathanaśīlāni atastadvivekaṃ yatnaṃ cākiñcitkṛtvā viṣayānudhyāne pravartayantītyarthaḥ |

Previous: 3.59
Next: 3.61
Up: 3

Linked texts (1)

Bhagavadgītā — Vyāsa, Sanskrit