Bhagavadgita 17.14

17.14

4 madhusūdanīvyākhyā | viṣayā anavagatopāyārthaviṣayā vā prārthanā āśāstā eva pāśā iva bandhanahetutvātpāśāsteṣāṃ śataiḥ samūhairbaddhā iva śreyasaḥ pracyāvyetastata ākṛṣya nīyamānāḥ kāmakrodhau paramayanamāśrayo yeṣāṃ te kāmakrodhaparāyaṇāḥ | strīvyatikarābhilāṣaparāniṣṭābhilāṣābhyāṃ sadā parigṛhītā iti yāvat | īhante kartuṃ ceṣṭante kāmabhogārthaṃ natu dharmārthamanyāyena parasvaharaṇādinārthasaṃcayāndhanarāśīn | saṃcayāniti bahuvacanena dhanaprāptāvapi tattṛṣṇānuvṛtterviṣayaprāptivardhamānatṛṣṇālakṣaṇo lobho darśitaḥ |
nanu dhanena kulena vā kaścittvattulyaḥ syādityata āha-āḍhyo dhanī abhijanavān kulīno'pyahamevāsmi ataḥ ko'nyo'sti sadṛśo mayā na kopītyarthaḥ | yāgena dānena vā kaścittulyaḥ syādityata āha-yakṣye yāgenāpyanyānabhibhaviṣyāmi, dāsyāmi dhanaṃ stāvakebhyo naṭādibhyaśca | tataśca modiṣye modaṃ harṣa lapsye nartakyādibhiḥ sahaityevamajñānenāvivekena vimohitā vividhaṃ mohaṃ bhramaparaṃparāṃ prāpitāḥ |