Bhagavadgita 17.23

17.23

4 madhusūdanīvyākhyā | tannāha-etaiḥ kāmakrodhalobhaistribhistamodvārairnararasādhanairvimukto virahitaḥ puruṣa ācaratyātmanaḥ śreyo yadiṣṭaṃ vedabodhitaṃ he kaunteya, pūrvaṃ hi kāmādipratibaddhaḥ śreyo nācarāti yena puruṣārthaḥ sidhyet aśreyaścācarati yena nirayapātaḥ syāt, adhunā tatpratibandharāhataḥ sannaśreyo nācarāti śreyāścācarati tata aihikaṃ sukhamanubhūya samyagdhīdvārā yāti parāṃ gatiṃ mokṣam |
yasmādevaṃ—yasmācchāstravimukhatayā kāmādhīnapravṛtteraihikapāratrikasarvapuruṣārthāyogyā tasmātte tava śreyo'rthinaḥ kāryākāryavyavasthitau ki kārya kimakāryamiti viṣaye śāstraṃ vedatadupajīvismṛtipurāṇādikameva bodhakaṃ pramāṇaṃ nānyat svotprekṣābuddhavākyādītyabhiprāyaḥ | evaṃceha karmādhikārabhūmau śāstravidhānena kuryānna kuryādityevaṃ pravarttanānivartanārūpeṇa vaidikaliṅādipadenoktaṃ karma vihitaṃ pratiṣiddhaṃ ca jñātvā niṣiddhaṃ varjayan vihitaṃ kṣatriyasya yuddhādikarma tvaṃ kartumarhasi sattvaśuddhiparyantamityarthaḥ |