Bhagavadgita 17.8

17.8

4 madhusūdanīvyākhyā | ślokairvivṛṇoti—pravṛttiṃ pravṛttiviṣayaṃ dharmaṃ cakārāttatpratipādakaṃ vidhivākyaṃ ca evaṃ nivṛttiviṣayamadharmaṃ cakārāttatpratipādakaṃ niṣedhavākyaṃ ca āsurasvabhāvā janā na jānanti | atasteṣu na dvividhaṃ śaucaṃ nāpyācāro manvādibhiruktaḥ | na satyaṃ ca priyahitayathārthabhāṣaṇa vidyate | śaucasatyayorācārāntarbhāve'pi brāhmaṇaparivrājakanyāyena pṛthagupādānam | aśaucā anācārā anṛtavādino hyāsurrā māyāvinaḥ prasiddhāḥ |
iyaṃ dṛṣṭiḥ śāstrīyadṛṣṭividviṣṭevetyāśaṅkyāha—etāṃ prāguktāṃ lokāyatikadṛṣṭimavaṣṭabhyālambya naṣṭātmāno bhraṣṭaparalokasādhanāḥ alpabuddhayo dṛṣṭamātroddeśapravṛttamatayaḥ ugrakarmāṇo hiṃsrā ahitāḥ śatravo jagataḥ prāṇijātasya kṣayāya vyāghrasarpādirūpeṇa prabhavantyutpadyante | tasmādiyaṃ dṛṣṭiratyantadoṣodahitehetutayā sarvātmanā śreyorthibhirheyetyarthaḥ |