Bhagavadgita 2.18.3

2.18.3

nahi ghaṭatajjñānayoriva vyavasāyānuvyavasāyorapi viṣayatvaviṣayitvavyavasthāpakaṃ vaijātyamasti, vyaktibhedātiriktavaidharmyānabhyupagamāt, viṣayatvāvacchedakarūpeṇaiva viṣayitvābhyupagame ghaṭayorapi tadbhāvāpattiraviśeṣāt | nanu yathā ghaṭavyavahārārthaṃ ghaṭajñānamabhyupeyate tathā ghaṭajñānavyavahārārthaṃ ghaṭajñānaviṣayaṃ jñānamabhyupeyaṃ, vyavahārasya vyavahartavyajñānasādhyatvāditi cet, kānupapattirudbhāvitā devānāṃpriyeṇa svaprakāśavādinā | nahi vyavahartavyabhinnatvamapi 4 madhusūdanīvyākhyā | jñānaviśeṣaṇaṃ vyavahārahetutāvacchedakaṃ gauravāt | tathāceśvarajñānavadyogijñānavatpremamiti jñānavattvenaiva svavyavahāropapattau na jñānāntarakalpanāvakāśaḥ | anuvyavasāyasyāpi ghaṭajñānavyavahārahetutvaṃ kiṃ ghaṭajñānajñānatvena kiṃvā ghaṭajñānatveneveti vivecanīyam, ubhayasyāpi tatra sattvāt | tatra ghaṭavyavahāre ghaṭajñānatvenaiva hetutāyāḥ klṛptatvāttenaiva rūpeṇa ghaṭajñānavyavahāre'pi hetutopapattau na ghaṭajñānajñānatvaṃ hetutāvacchedakaṃ gauravānmānābhāvācca | tathāca nānuvyavasāyasiddhiraREQyaiva vyavasāyasya vyavasātari vyavasāye vyavasāye ca vyavahārajanakalopapatteriti tripuṭīpratyakṣavādinaḥ prābhākarāḥ | aupaniṣadāstu manyante svaprakāśajñānarūpa evātmā na svaprakāśajñānāśrayaḥ kartṛkarmaviroghena tadbhānānupapatteḥ jñānabhinnatve ghaṭādivajjaḍatvena kalpitatvāpatteśca svaprakāśajñānamātrasvarūpo'pyātmā'vidyopādhitaḥ saṃnsākṣītyucyate, vṛttimadantaḥkaraṇopādhita. pramātetyucyate |