Bhagavadgita 2.68

Gūḍhārthadīpikā 2.68

Language: Sanskrit

2.68

4 madhusūdanīvyākhyā | pravartamānānāmavaśīkṛtānāmindriyāṇāṃ madhye yadekamapīndriyamanulakṣīkṛtya mano'nuvidhīyate preryate | pravarteta iti yāvat | karmakartari lakāraḥ | tadindriyamekamapi manasānusṛtamasya sādhakasya manaso vā prajñāmātmaviṣayāṃ śāstrīyāṃ haratyapanayati, manasastadviṣayāviṣṭatvāt | yadekamapīndriyaṃ prajñāṃ harati tadā sarvāṇi harantīti kimu vaktavyamityartha | dṛṣṭāntastu spaṣṭaḥ | ambhasyeva vāyornaukāharaṇasāmarthyaṃ na bhuvīti sūcitumambhasītyuktam | evaṃ dārṣṭāntike'pyambhaḥsthānīye manaścāñcalye satyeva prajñāharaṇasāmarthyamindriyasya natu bhūsthānīye manaḥsthairye iti sūcitam |

Previous: 2.67
Next: 2.69
Up: 2

Linked texts (1)

Bhagavadgītā — Vyāsa, Sanskrit