Bhagavadgita 2.69

2.69

4 madhusūdanīvyākhyā | tadevaṃ mumukṣuṇā prajñāsthairyāya prayatnapūrvakamitdriyasaṃyamaḥ kartavya ityuktaṃ, sthitaprajñasya tu svataḥsiddha eva sarvendriyasaṃyama ityāha | yā vedāntavākyajanitasākṣātkārarūpā'haṃbrahmāsmīti prajñā sarvabhūtānāmajñānāṃ niśeva niśā tāṃ pratyakprakāśarūpatvātsatyāṃ brahmavidyālakṣaṇāyāṃ sarvabhūtaniśāyāṃ jāgarti ajñānanidrāyāḥ prabuddhaḥ sannāvadhāno vartate | saṃyamī indriyasaṃyamavān sthitaprajña ityarthaḥ | yasyāṃ tu dvaitadarśanalakṣaṇāyāmavidyānidrāyāṃ prasuptānyeva bhūtāni jāgrati svapnavadvyavaharanti sā niśā na prakāśata ātmatattvaṃ paśyato'parokṣatayā muneḥ sthitaprajñasya | yāvaddhi na prabudhyate tāvadeva svapnadarśanaṃ bodhaparyantatvādbhramasya | tattvajñānakāle tu na bhramānimittaḥ kaścidvyavahāraḥ | taduktaṃ vārtikakāraiḥ 'kārakavyavahāre hi śuddhaṃ vastu na vīkṣyate | śuddhe vastuni siddhe ca kārakavyāpṛtistathā || kākolukaniśevāyaṃ saṃsāro jñānacedinoḥ | yā niśā sarvabhūtānāmityavocatsvayaṃ hariḥ ||”
4 madhusūdanīvyākhyā | iti | tathāca yasya viparītadarśanaṃ tasya na vastudarśanaṃ viparītadarśanasya vastudarśanajanyatvāt, yasya ca vastudarśanaṃ tasya na viparītadarśanaṃ viparītadarśanakāraṇasya vastudarśanasya vastudarśanena bādhitatvāt | tathāca śruti 'yatra vā anyadiva syāt
etādṛśasya sthitaprajñasya sarvavikṣepaśāntirūpārthasiddheti sadṛṣṭāntamāha—sarvābhirnadībhirāpūryamāṇaṃ santaṃ vṛṣṭyādiprabhavā api sarvā api nadyaḥ samudraṃ pravi-