Bhagavadgita 2.71

2.71

4 madhusūdanīvyākhyā | mahati śokārṇave magno bhavatīti vākyārthaḥ | etena jñānina eva phalabhūto vidvatsaṃnyāsastasya ca sarvavikṣepanivṛttirūpā jīvanmuktirdevādhīnaviṣayabhoge'pi nirvikāratetyādikamuktaṃ veditavyam |
tadevaṃ caturṇāṃ praśnānāmuttaravyājena sarvāṇi sthitaprajñalakṣaṇāni mumukṣukartavyatayā kathitāni, saṃprati karmayogaphalabhūtāṃ sāṃkhyaniṣṭhāṃ phalena stuvannupasaṃharati-eṣā sthitaprajñalakṣaṇavyājena kathitā, 'eṣā te'bhihitā sāṃkhye buddhiḥ' iti ca prāguktā sthitirniṣṭhā sarvakarmasaṃnyāsapūrvakaparamātmajñānalakṣaṇā brāhmī brahmaviṣayā | he pārtha, enāṃ sthiti prāpya yaḥ kaścidapi punarna vimuhyati | nahi jñānabādhitasyājñānasya punaḥ saṃbhavo'sti anādilenotpattyasaṃbhavāt | asyāṃ sthitāvantakāle'pyantye'pi vayasi sthitvā brahmanirvāṇaṃ brahmaṇi nirvāṇaṃ nirvṛti, brahmarūpaṃ nirvāṇamiti vā, ṛcchati gacchatyabhedena | kimu vaktavyaṃ yo