Bhagavadgita 18.11

Tātparyabodhinī 18.11

Language: Sanskrit

18.11

kiṃca—cintāmiti | aparimeyāṃ parimātumaśakyām | iyattāśūnyāmityarthaḥ | pralayāntāṃ pralayaścaramaśvāso'nto'vadhiryasyāstāṃ maraṇāvadhikāṃ cintāṃ bhogyasauṣṭhavāsauṣṭhavasiddhvasiddhyālocanarūpāmāśritāḥ kāmopabhogaparamāḥ kāmyanta iti kāmā bhogyapadārthāsteṣāmupabhoga eva paramaḥ niratiśayaḥ puruṣārthaḥ puruṣatvasiddheḥ phalaṃ yeṣāṃ te kāmopabhogaparamāḥ | etāvaditi niścitāḥ pumān janitvā maraṇāntaṃ samyagviṣayānanubhuṅkta iti yatsvetāvadeva puṃjanmanaḥ phalaṃ dehapātasyaiva mokṣatvānnātaḥ paraṃ phalamiti niścitaṃ siddhānto yeṣāṃ te etāvaditi niścitāḥ santaḥ kāmabhogārthamīhante ityuttareṇānvayaḥ |

Previous: 18.10
Next: 18.12
Up: 18

Linked texts (1)

Bhagavadgītā — Vyāsa, Sanskrit