Bhagavadgita 3.48

Arthaprakāśikā 3.48

Language: Sanskrit

3.48

yogastha iti | he dhanaṃjaya ! yogaḥ parameśvaraniṣṭhā, tatra sthitaḥ san svāśramocitavedoktakarmāṇi kuru nirvartayetyarthaḥ | tatra saṅgaṃ kartṛkārakakriyāphalābhiniveśam īśvarastvanena karmaṇā tuṣyatviti vā saṅgaṃ tyaktvā karma kāryamityarthaḥ | kīdṛśo bhūtvā tatkāryamiti tatrāha — sama iti | kayoriti tatrāha — siddhayasiddhayoriti | parameśvarārādhanalakṣaṇaniṣkāmakarmānuṣṭhānataḥ cittaśuddhidvārā jñānaprāptilakṣaṇā siddhiḥ, tadviparyayotthā 'siddhiḥ, tayoḥ siddhayasiddhayoḥ samo bhūtvā vedoktakarmāṇi kurvityarthaḥ | ko 'sau yogastatrāha — samatvamiti | jñānaprāptyaprāptyoḥ samatvaṃ harṣaviṣādarāhityameva yoga ucyate |
samatvabuddhiyuktasya karmaṇaḥ cittaśuddhihetutvena varatvaṃ tadviparītasya karmaṇaḥ tadabhāvādavaratvamāha—

Previous: 3.47
Next: 3.49
Up: 3

Linked texts (1)

Bhagavadgītā — Vyāsa, Sanskrit