Bhagavadgita 3.61

Arthaprakāśikā 3.61

Language: Sanskrit

3.61

tānīti | yāni pramathanaśīlāni tāni sarvāṇi cakṣurādīnīndriyāṇi tadviṣayadoṣadarśanataḥ śanaiḥ śanaiḥ saṃyamya svavaśīkṛtya gṛhītakaraṇagrāmatvena yukto yogī pratyagabhinnavāsudevo 'hameva paraḥ parāyaṇaṃ yasya so 'yaṃ matparomadbhāvārūḍhaḥ sannāsīta,
'naiva dharmī na cādharmī na caiva hi śubhāśubhī | yaḥ syādekāsane līnastūṣṇīṃ kiṃcidacintayan ||' iti smṛteḥ | evamāsīnasya yasya yoginaḥ abhyāsapāṭavena cakṣurādīnīndriyāṇi vaśe vartante tasya prajñā brahmaṇi pratiṣṭhitetyarthaḥ |
bāhendriyanigrahasyāntarindriyanigrahapūrvakatvāttadakurvāṇāḥ parābhaviṣyanta iti nigamayati—dhyāyataḥ iti dvābhyām |

Previous: 3.60
Next: 3.62
Up: 3

Linked texts (1)

Bhagavadgītā — Vyāsa, Sanskrit