Bhagavadgita 3.64

Gūḍhārthacandrikā 3.64

Language: Sanskrit

3.64

svasya vidheyaṃ = vaśībhūtam ātmā = mano yasya saḥ| ātmavaśyaiḥ svādhīnaiḥ| rāgadveṣābhyāṃ viyuktaiḥ = rahitaiḥ indriyaiḥ śrotrādibhiḥ viṣayān śabdādīn aniṣiddhān caran upalabhamānaḥ prasādaṃ cittasya svacchatāṃ paramātmasākṣātkārayogyatām adhigacchati| rāgadveṣaprayuktāni hīndriyāṇi doṣahetutāṃ prapadyante| manasi svavaśe tu na rāgadveṣau| tayorabhāve tu na tadadhīnendriyapravṛttiḥ| prārabdhavaśāddehanirvāhāya viṣayopalambho na doṣāya bhavet| niṣiddhācārasya rāgādyadhīnasya prāk tyaktatayā tatra svabhāvata eva tanmano na calatīti bhāvaḥ| ato kiṃ vrajeta ityasyottaramuktam|
prasāde sati kim ? ityata āha - prasāda iti||

Previous: 3.63
Next: 3.65
Up: 3

Linked texts (1)

Bhagavadgītā — Vyāsa, Sanskrit