Bhagavadgita 3.69

Gūḍhārthacandrikā 3.69

Language: Sanskrit

3.69

ajñānāṃ sarvabhūtānāṃ yā bhagavadviṣayakasthiraprajñā niśeva niśā, yasyāṃ ajñāni bhūtāni gāḍhanidrāyāmiva śete saṃyamī yatacittendriyaḥ jāgarti samyagāparokṣyeṇa paśyatītyarthaḥ| yasyāṃ viṣayabhogarūpāyāṃ jñānyapekṣayā niśāyāṃ bhūtāni parameśvaravimukhāni jāgrati muneḥ parameśvaramananaśīlasya sā niśā| tasyāṃ sa nidrātītyarthaḥ| yathā kākasya rātryandhasya dinam ulūkasya divāndhasya niśā, rātrau paśyataścolūkasya yaddinaṃ rātrireva sā kākasya, tathā jñājñayoḥ|
nanu bāhyārthānusandhānaṃ vinā jñānino yujyetāpi kathañcidramanādikam| viṣayānubhavastu dṛśyamānaḥ kathaṃ syāt ? tasya niyatasādhanasādhyānusandhānaṃ vinā'nudayādityāśaṅkya tasya viṣayānubhavaprakāramāha -

Previous: 3.68
Next: 3.70
Up: 3

Linked texts (1)

Bhagavadgītā — Vyāsa, Sanskrit