Bhagavadgita 3.29

Sārārthavarṣiṇī 3.29

Language: Sanskrit

3.29

śrīviśvanātha—nanu yadi jīvā guṇebhyo guṇakāryebhyaśca pṛthagbhūtāstadasambandhāstarhi kathaṃ te viṣayeṣu sajjanto dṛśyante? tatrāha—prakṛterguṇaiḥ saṃmūḍhāstadāveśāt prāptasammohāḥ yathā bhūtāviṣṭo manuṣya ātmānaṃ bhūtameva manyate, tathaiva prakṛtiguṇāviṣṭāḥ jīvāḥ svān guṇāneva manyante, ato guṇakarmasu guṇakāryeṣu viṣayeṣu sajjante| tānakṛtsnavido mandamatīn kṛtsnavit sarvajño na vicālayet| ‘tvaṃ guṇebhyaḥ pṛthagbhūto jīvaḥ, na tu guṇaḥ’ iti vicāraṃ prāpayituṃ na yatate, kintu guṇāveśanivarttakaṃ niṣkāmakarmaiva kārayet| na hi bhūtāviṣṭo manuṣyatvaṃ na bhūtaḥ, kintu manuṣya eveti śatakṛtvo'pyupadeśena svāsthyamāpadyate, kintu tannivarttakauṣadhamaṇimantrādiprayogeṇaiveti bhāvaḥ|

Previous: 3.28
Next: 3.30
Up: 3

Linked texts (1)

Bhagavadgītā — Vyāsa, Sanskrit