Bhagavadgita 5.6

5.6

śrīviśvanātha—kintu samyakcittaśuddhimanirddhārayato jñāninaḥ saṃnyāso duḥkhadaḥ karmayogastu sukhada eveti pūrvavyañjitamarthaṃ spaṣṭamevāha—saṃnyāsastviti| cittavaiguṇye satīti śeṣaḥ| ayogataḥ karmayogābhāvāccitta-vaiguṇyapraśāmakakarmayogasya saṃnyāsinyabhāvāt tatrānadhikārādityarthaḥ| saṃnyāso duḥkhameva prāptuṃ bhavati| taduktaṃ vārttikakṛdbhiḥ-“pramādino bahiścittāḥ piśunāḥ kalahotsukāḥ| saṃnyāsino'pi dṛśyante daivasaṃdūṣitāśayāḥ||” iti, śrutirapi-“yadi na samuddharanti yatayo hṛdi kāmajaṭāḥ” iti, bhagavatāpi-“yastvasaṃyataṣaḍvargaḥ” (śrīmadbhā. 11/18/40) ityādyuktam| tasmādyo yuktaḥ niṣkāmakarmavān munirjñānī san brahma śīghraṃ prāpnoti|
sā. va. prakāśikā vṛtti-cittaśuddhi honeke pūrva saṃnyāsa grahaṇa karanekī apekṣā niṣkāma karmayogakā ācaraṇa karanā śreṣṭha hai|