A Cluster of Nyāya Flowers 57.p32

Nyāyamañjarīgranthibhaṅga 57.p32

Language: Sanskrit

57.p32

kiñcidāśritam | kṣaṇikatve sati āśrayāśrayibhāvāditi bhāvaḥ | yato'dhiṣṭhānakalpanā | guṇasya niradhiṣṭhānasyānupalambhāditi | nirāśrayeṣviti | vijñānānyeva kāryakāraṇabhāvena sthitāni rāśīkriyamāṇāni vijñānaskandha ityucyate | yadyapi ca santatyantareti | tathāhi—samīhādinā'numīyamānā santānāntarabuddhiranumeyajñānasyālambanakāraṇatāṃ pratipadyate; upādhyāyajñānasya ca śiṣyajñānotpattau kāraṇatvadarśanāt | na tādṛśakāryakāraṇabhāveneti | atra sahakāritvenopādhyāyādijñānaṃ janakaṃ nopādānatveneti bhāvaḥ | tatsantānopasaṅkrāntyeti | vyavasthitāyāṃ santatau vijñāne āhitā karmavāsanā

Previous: 57.p31
Next: 57.p33
Up: 57

Linked texts (1)

Nyāyamañjarī — Jayanta Bhaṭṭa, Sanskrit