A Cluster of Nyāya Flowers 58.p15

Nyāyamañjarīgranthibhaṅga 58.p15

Language: Sanskrit

58.p15

tadarthā ityata evāpakṛṣya vā prakramādvā arthā iti lakṣyapadaṃ darśayitavyam, tadartha iti lakṣaṇam | taditi prakṛtendriyaparāmarśaḥ | sāmānyalakṣaṇantu punastadarthā ityeva yojanīyam | taditi ghrāṇādīnāṃ viśeṣasaṃkhyānirdiṣṭānāpavamarśaḥ | evañca ghrāṇasya viṣayo gandhaḥ, rasanasya viṣayo rasaḥ, ityādi viśeṣalakṣaṇamuktaṃ bhavati | gandhatvādīnāntu ghrāṇādigrāhyatvādativyāptiriti pṛthivyādiguṇā iti viśeṣaṇopādānam | te cāmī gandhādaya indriyārthā bhogyāḥ santaḥ saktihetavaḥ saṃsāradrāghimāṇamāvahantīti heyatayā bhāvayitavyāḥ |

Previous: 58.p14
Next: 58.p16
Up: 58

Linked texts (1)

Nyāyamañjarī — Jayanta Bhaṭṭa, Sanskrit