A Cluster of Nyāya Flowers 58.p21

Nyāyamañjarīgranthibhaṅga 58.p21

Language: Sanskrit

58.p21

prakārāntareṇa lakṣaṇamasyāḥ kimiti noktamiti cet | śiṃśapācodyamidam, tasminnapyukte'nuyuñjīta bhavān itthaṃ kimiti noktamiti | asti ca prayojanaṃ paryāyadvāraka lakṣaṇopavarṇanasya yat sāṅkhyānāṃ vyāmohanirasanam | evaṃ hi sāṃkhyāḥ saṅgirante 'buddhiranyā jñānamanyadupalabdhiranyā' iti tadbhramāpanayanāyaivamucyate 'buddhirupalabdhirjñānamityanarthāntaram' | eka evārtha ityarthaḥ | itthañca svarūpato nirjñātā buddhirbhogasvabhāvāt tatsādhanatvācca saṃsāraheturiti heyatvena bhāvyate |

Previous: 58.p20
Next: 58.p22
Up: 58

Linked texts (1)

Nyāyamañjarī — Jayanta Bhaṭṭa, Sanskrit