A Cluster of Nyāya Flowers 70.p11

Nyāyamañjarīgranthibhaṅga 70.p11

Language: Sanskrit

70.p11

udāharaṇantu anityaḥ śabdaḥ prayatnānantarīyakatvād yat prayatnānantarīyakaṃ tadanityaṃ dṛṣṭaṃ yathā ghaṭa iti sādharmyeṇa hetau prayukte jātivādī sādharmyeṇaiva pratyavatiṣṭhate, nityaḥ śabdo niravayavatvād niravayavaṃ dravyamākāśādi nityaṃ dṛṣṭamiti | na cātra viśeṣaheturasti ghaṭasādharmyāt prayatnānantarīyakatvādanityaḥ śabdo na punarākāśasādharmyānniravayavatvānnitya iti | vaidharmyahetāvapi sādhanādinā prayukte anityaḥ śabdaḥ prayatnānantarīyakatvād yadanityaṃ na bhavati, tat prayatnānantarīyakamapi na bhavatyākāśādivadityatraitadeva pūrvoktaṃ sādharmyavaidharmyapratyavasthānadvayamudāharttavyamiti |

Previous: 70.p10
Next: 70.p12
Up: 70

Linked texts (1)

Nyāyamañjarī — Jayanta Bhaṭṭa, Sanskrit