A Cluster of Nyāya Flowers 70.p29

Nyāyamañjarīgranthibhaṅga 70.p29

Language: Sanskrit

70.p29

pakṣapratipakṣau nirṇayalakṣaṇe vyākhyātau | tāveva prakaraṇam | prakaraṇamanativarttamānaḥ prakaraṇasamaḥ pratiṣedho bhavati | pūrvasminneva prayoge nityaḥ śabdo niravayavatvādākāśavadityevañjātīyakaṃ pratiprayogamupanyasyan svapakṣamutthāpayati jātivādī | sādharmyagrahaṇañcopalakṣaṇaṃ vaidharmyeṇāpi pratiprayogopanyāse prakaraṇasama eva pratiṣedho bhavati ubhayavaidharmyāt prakriyāsiddheḥ prakaraṇasama iti | mūlahetāvapi sādharmyeṇa vaidharmyeṇa vā prayukte prayogadvayametadveditavyam |

Previous: 70.p28
Next: 70.p30
Up: 70

Linked texts (1)

Nyāyamañjarī — Jayanta Bhaṭṭa, Sanskrit