A Cluster of Nyāya Flowers 70.p99
Nyāyamañjarīgranthibhaṅga 70.p99
- Language
- Sanskrit
70.p99
kāmamastu parāvabodhāvadhi vākyoccāraṇam, jalpe tu vijigīṣukathāyāṃ puruṣaśaktiparīkṣaṇādavaśyamuccāraṇaniyama āśrayaṇīyaḥ | tatra sakṛd vā dvivārbhihitasyāgrahaṇamanavadhānādināpi sambhavanna nigrahāya kalpate, trirabhihitasya tu sarvairagrahaṇe vakturevāparādhaḥ | anyairgṛhītasya prativādinā agrahaṇe tasya nigrahaḥ | vāratrayādapyūrdhvamabhidhāne tvāśrīyamāṇe jalpādau kathāsamāptireva na syāt, chātraśālā hyasau bhavennodgrāhaṇikaṃ taditi |