A Cluster of Nyāya Flowers 1.1.65
Nyāyamañjarī 1.1.65
- Language
- Sanskrit
1.1.65
sandigdha evārthe vicārāvatārāt, etacchāstrapratipādyārthaḥ pūrvameva nirṇītaścetpravṛttirna bhavet . ādyavākyena arthe pradarśite tena tadarthe sandihānāḥ tannirṇayāya, śāstre pravartante iti arthasaṃśaya evādivākyakṛtyamiti manyatāṃ matamāha—yadapīti . ādivākyaśravaṇasamanantaraṃ na saṃśayanaiyyatyam, tasya koṭidvayopasthityadhīnatvādityataḥ—tarketyādi . tathā ca saṃśayābhāve'pi saṃbhāvanāpratyayo bhavitumarhatīti bhāvaḥ . vastuvṛttopanata iti . na tu ādivākyādhīna iti yāvat . samācāraḥ—sadācāraḥ . apiśabdastasya saṃbhāvanādyotakaḥ ..