A Cluster of Nyāya Flowers 1.1.836

1.1.836

vakrāṅgulirityādi . cākṣuṣapratyakṣānupajīvyatvabodhanāya—tamasi mīlitacakṣuṣo vā iti . vākāraḥ kiṃ tamaḥparyantānudhāvanena iti dhārṣṭyārthaḥ . astu dhīḥ, kiṃ tena ? ityatrāha neyamiti . atra hetumāha—na hīti . tatkarasthaṃ indriyaṃ tatraiva pramitiṃ na hyādadhāti—ityanvayaḥ . etaduktaṃ bhavati—nimīlitacakṣuṣāmapyasmākaṃ mama aṅguliḥ bakraḥ, mamāṅgulī viralau ityādipratītiranubhavasiddhā . daṇḍādiṣu hi hastasparśavaśāt vakratvādikaṃ tvagindriyagrāhyaṃ bhavedapi . aṅguliḥ svagataṃ vakratvaṃ kathaṃ svayaṃ gṛhṇīyāt . na hi cakṣurindriyaṃ ātmana āśrayaṃ golakaṃ gṛhṇāti . ata iyaṃ pratītirdurnirūpaiva . evaṃ viralau aṅgulī ityatrāpi . vairalyaṃ ca hastāntareṇa sparśamantarā'pi svayameva bhāsata eva . etadapi durnirūpameveti ..