A Cluster of Nyāya Flowers 1.2.375
Nyāyamañjarī 1.2.375
- Language
- Sanskrit
1.2.375
viśeṣetyādi . nirvikalpena sāmānyaṃ na gṛhyata eveti pakṣe—ajñātasya sāmānyasya vikalpe'pi bhānāsaṃbhavādiryo doṣa uktaḥ, tādṛśaḥ prakṛte'pi jāgarūkaḥ . nirvikalpena viśeṣāgrahaṇe tarhi kena viśeṣo gṛhyata iti vaktavyam . na kenāpīti cet bhānameva na syāt . vikalpenaiveti cedanavasthā . nirvikalpenaiveti cet bhedaviṣayo nirvikalpaḥ siddha iti advaitāsiddhiḥ . siddhamadvaitadarśanaṃ iti narmoktiḥ . kiñca samānānāṃ bhāvasyaiva sāmānyarūpatvāt vyaktiviśeṣāṇāmagrahaṇe tadāśritaṃ sāmānyamapi na gṛhyeta . na ca bhedāḥ santyeva, parantu kalpitāste—iti cet, tadetat navamāhnike nirākariṣyate ..