A Cluster of Nyāya Flowers 1.2.42
Nyāyamañjarī 1.2.42
- Language
- Sanskrit
1.2.42
smṛtiviṣayavartineti . sukhasādhanatvākāraviśiṣṭena cetyarthaḥ . smaraṇadvayamityuktaṃ; kiṃ tat dvayam ? ityatrāha—tadaiveti . agnijñānānantarakṣaṇa evetyarthaḥ . astu tarhi krameṇaiva smaraṇadvayotpattirityatrāha—na hītyādi . agnijñānānantarakṣaṇe sukhasādhanatvasmṛtistu sammata eva, dhūmaparāmarśasaṃskārasya satvena dhūmaparāmarśasmṛtirapi tadaiva bhavediti kathaṃ kramaḥ niyamyata iti . nanu astu yaugapadyaṃ smṛtidvayasyetyatrāha—jñāneti . etattattvaṃ ca manaḥprakaraṇe spaṣṭībhaviṣyati ..