A Cluster of Nyāya Flowers 1.3.198
Nyāyamañjarī 1.3.198
- Language
- Sanskrit
1.3.198
kilātivikasitakusumamakarandapānamuditamadhukarakule kasmiṃścidudyāne vādyamānāyāṃ vīṇāyāṃ nirantaralatāsantānāntaritavapuṣi vidūrādanavalokyamāne vādake vīṇādhvanisaṃvidi rolambanādasandehadūṣitāyāṃ tadabhimukhameva pratiṣṭhamānaḥ śrotā parivādake darśanapathamavatīrṇe svarānukūlakāraṇaniścayāt tatpratītau saṃśayanivṛtteḥ prāmāṇyaṃ niścinotītyeṣa samarthakāraṇajñānakṛtaḥ prāmāṇyaniścayaḥ ..