A Cluster of Nyāya Flowers 1.4.127
Nyāyamañjarī 1.4.127
- Language
- Sanskrit
1.4.127
nanu ! śaktirūpaḥ sambandha ityuktam . śaktiśca tadāśriteti kathaṃ dharmyantaravat pṛthaktayā pratīyeta ?—naitatsāṃpratam—svarūpasaha kārivyatiriktāyāḥ śakteḥ sūkṣmāyāḥ prāgeva pu. 107-114 vistarataḥ pratikṣiptatvāt . na ca śaktiḥ pratyakṣagamyā; dravyasvarūpavadanupalambhāt . nānumeyā; kāryāṇāmanyathā'pi ghaṭamānatvāt . kalpayitvā ca śaktiṃ aparihāryaḥ samayaḥ; samayamantareṇārthapratipatterasiddheḥ . siddhe ca samaye tata evārthasiddheḥ kiṃ nityasambandhāśrayaṇena ?