A Cluster of Nyāya Flowers 1.4.216

1.4.216

etattu sarvaṃ na sādhvabhidhīyate . tathā hi—tatpramāṇaṃ bādarāyaṇasyānapekṣatvāt jai. sū. 1-1-5 iti ya eṣa vedaprāmāṇyā dhigatau jaimininā niradeśi panthāḥ, yo vā akṣapādena, kaṇādena ca prakaṭitaḥ—tadvacanādāmnāyaprāmāṇyam vai. sū. 10-2-9 iti, mantrāyurvedaprāmāṇyavacca tatprāmāṇyamāptaprāmāṇyāt nyā. sū. 2-1-69 iti, sa caturṣvapi vedeṣu tulyaḥ . tatra viśeṣatuṣo'pi na kaścidatiprayatnenānviṣyamāṇaḥ prāpyate . na hi mīmāṃsakapakṣe evaṃ vaktuṃ śakyate— trayyevānādimatī, nātharvaśrutiḥ; tasyāṃ kartṛsmaraṇasaṃbhavāditi ..