A Cluster of Nyāya Flowers 1.4.247

Nyāyamañjarī 1.4.247

Language: Sanskrit

1.4.247

yattu vākyāntare trayyai vidyāyai śukraṃ, tena brahmatvam iti; tatreyaṃ caturthī ṣaṣṭhyāḥ sthāne prayuktā . śukramiti sāramācakṣate . tena trayīvidyāyāḥ sāreṇa brahmatvaṃ kriyata ityuktaṃ bhavati . na ca trayyeva trayyāḥ śukraṃ bhavati . na cātyantaṃ tato'rthāntarameva . tenedamatharvavedātmakameva trayyāḥ śukraṃ iti manyāmahe . tryātmakatvāditi manyāmahe . tryātmakatvāditi śukramiti ca guhyamāhuḥ . atharvaśabdo'pi rahasyavacanaḥ . yajñātharvāṇaṃ vaidikasyā iṣṭayaḥ iti . tena trayī śukrarūpeṇātharvavedena brahmatvamitītthamatharvavedasya na trayībāhyatvam . itthaṃ sarvaśākhāpratyayamekaṃ karma ityatra na sarvaśabdaḥ saṅkocito bhavati ..

Previous: 1.4.246
Next: 1.4.248
Up: 1.4

Commentaries (1)

Nyāyamañjarīgranthibhaṅga — Cakradhara, Sanskrit