A Cluster of Nyāya Flowers 1.4.249
Nyāyamañjarī 1.4.249
- Language
- Sanskrit
1.4.249
tathā sāmavede pṛṣṭhyasya caturthe'hanyārbhave pavamāne atharvaṇe sāmno gānaṃ yat, tadvidhāne śrūyate caturvidhamātharvaṇaṃ bhavati catūrātrasya vṛttvai catuṣpadāmānuṣṭubhā'nuṣṭubhamevaitadaharyaścaturthaṃ bheṣajaṃ vā'tharvaṇaṃ taddhi bhaiṣajyameva tatkarotyātharvaṇāni yāgabheṣajāni sā. brā. 1-3 ityetadālambaneyaṃ stutiḥ . ata eva prāguktaṃ yajñe yadūnaṃ ca viriṣṭaṃ ca yātayāmaṃ ca karoti tadatharvaṇāṃ tejasā''pyāyayati go. brā. 1-22. iti . tasmādātharvaṇa eva brahmeti . etacca śāstrāntare vistareṇābhiyuktaiḥ yuktibhirupapāditamiti nehātyantāya pratāyate ..