A Cluster of Nyāya Flowers 1.4.32
Nyāyamañjarī 1.4.32
- Language
- Sanskrit
1.4.32
tadviḍambanārthaṃ tadabhidhānamiti cet; tadapyayuktam . ekatra dharmiṇi yugapaditaretaravirodhidharmadvayaprayojakahetudvayopanipātāyogāt . na hi dvyātmakāni vastūni bhavitumarhanti ityavaśyamanyataraḥ tatrāprayojakahetuḥ . aprayojakatvādeva tasyāgamakatve kiṃ viḍambanārthena hetvantareṇa prayuktena . viruddhāvyabhicāryapi nāma na kaściddhetvābhāsa iti vakṣyāmaḥ 11 āhnike ..