A Cluster of Nyāya Flowers 1.4.381
Nyāyamañjarī 1.4.381
- Language
- Sanskrit
1.4.381
nanu ca ! yaḥ paśukāmaḥ sa iṣṭiṃ kuryāt—itīyāneva vākyārthaḥ . tatra yāgāt paśavo bhavantītyetadeva durupapādam . te ca bhavanto'pyanantarameva bhavantītyetat durupapādataram . ataḥ kathaṃ na satyārthatvaṃ citrādicodanānām—ucyate—yāvajjīvaṃ yajeta yāvajjīvaṃ juhuyāt iti jīvanavat asādhyamānapaśukāmanaiva nādhikāriviśeṣaṇaṃ bhavitumarhati . paśūnāṃ tataḥ karmaṇaḥ siddhimanavabudhyamānasya tatrādhikāra eva na saṃpravartate iti nirṇeṣyate etat ..