A Cluster of Nyāya Flowers 2.1.134

Nyāyamañjarī 2.1.134

Language: Sanskrit

2.1.134

api ca vikalpabhūmiḥ arthaḥ vikalpāntarasannidhāpitabhāvābhāvākṣepī niyatarūpo bāhyasadṛśaśca pratīyate . na cedaṃ rūpatrayamapi bāhye vastuni yujyate . bāhyasya hi vastunaḥ svarūpeṇāvagatasya na vikalpāntaropanītabhāvasambandha upapadyate, vaiyarthyāt . nāpyabhāvasambandhaḥ, vipratiṣedhāt . niyatarūpatā ca vikalpaviṣayasya gaureva, nāśvaḥ ityevamavagamyamānā vastvantaravyavacchedamantareṇa nāvakalpata iti balāt vyavacchedaviṣayatvam . anyathā niyamaparicchedāsaṃbhavāt . sandigdhaṃ ca vastu na gṛhyate ..

Previous: 2.1.133
Next: 2.1.135
Up: 2.1

Commentaries (1)

Nyāyamañjarīgranthibhaṅga — Cakradhara, Sanskrit