A Cluster of Nyāya Flowers 2.2.156
Nyāyamañjarī 2.2.156
- Language
- Sanskrit
2.2.156
ayaṃ gakāraḥ iti tu sāmānādhikaraṇyabhramaḥ liṅgaliṅginorabhedopacārāt . yathā prasthamitāḥ saktavaḥ prasthaśabdenocyante, tathā rekhāto'pi gakārānumānāt rekhaiva gakāra ityucyate . evamaniṣyamāṇe lipyanabhijñasyāpi tato'rthapratipattiḥ syāt, rekhānāmasatyavarṇānāṃ vidyamānatvāt . na cevamasti . tasmāt varṇānumānapurassaraiva rekhābhyo'rthāvagatiḥ . abhyastatvādviṣayasya, sakṣmatvācca kālasya kramo na lakṣyate, na tvanyathā tato'vagatiḥ . tasmāt pāramārthikatvāt padatadarthānāṃ na niravayavau vākyavākyārthāviti sthitam ..