A Cluster of Nyāya Flowers 2.2.180
Nyāyamañjarī 2.2.180
- Language
- Sanskrit
2.2.180
yadapyucyate—pratyekaṃ vyabhicārāt, samuditānāmasādhāraṇyāt na padārthānāṃ vākyārthāvagatihetutvamiti—tadapyayuktam—pratyekaṃ tāvat gamakatvaṃ neṣyata eva . samuditānāṃ tvasādhāraṇyaṃ bhavadapi na naḥ kṣatikaram . na hyete liṅgavat saṃbandhagrahaṇamapekṣamāṇā avabodhakāḥ, yadasādhāraṇyānnāvakalpeta . kintu agṛhītasaṃbandhā api ākāṅkṣāyogyatāsannidhitātparyaparyālocanayā parasparaṃ saṃsṛjyante . sa eva vākyārthaḥ, yaḥ saṃsṛṣṭaḥ padārthasamudāyaḥ, itaraviśiṣṭo vetara iti ..