A Cluster of Nyāya Flowers 2.2.203
Nyāyamañjarī 2.2.203
- Language
- Sanskrit
2.2.203
tataḥ padajñānāt saṃskāraḥ . tataḥ tathaiva varṇakrameṇa dvitīyapadajñānam . tena prathamapadajñānajanmanā ca saṃskāreṇa paṭutarasaṃskāro janyate . punastenaiva krameṇa tṛtīyapadajñānam . tena prāktanena ca saṃskāreṇa pīvarataraḥ saṃskāraḥ janyate . evaṃ yāvadantyapadajñānaṃ antareṇa sthavīyasā saṃskāreṇa sarvapadaviṣayamekasmaraṇamupajanyate . saṃskārasyaivaikatvāt so'yaṃ smaraṇānubhavaviṣayīkṛtavarṇasamūha eva padam . padasamūho vākyamityucyate . tato vākyārthapratipattiḥ . saṃskārasya ca saṃskārāntarakaraṇakauśalamavaśyameṣi tavyam . anyathā sarvatra kriyābhyāso'narthakaḥ syāditi ..