A Cluster of Nyāya Flowers 2.2.205

Nyāyamañjarī 2.2.205

Language: Sanskrit

2.2.205

atha samayasmaraṇānantaraṃ pūrvapadasmaraṇamupeyate—tathāpi tatsmṛtikāle padārthajñānopajananāt punarapi jñānayaugapadyam . na ca tadā padārthajñānaṃ nodetīti śakyate vaktum, avikalatadupajananakāraṇasāmagrīsannidhānāt, pratināyakasya ca tadānīmabhāvāt . padārthajñānottarakālaṃ tarhi pūrvapadasmaraṇamastviti cet; evaṃ tarhi caramapadajñānapratyastamayāt antyapada rahitaṃ vākyaṃ syāt . antyapadajñānasya hi saṅketasmṛtivelāyāṃ vinaśyattā, padārthajñānavelāyāṃ vināśa eva yataḥ ..

Previous: 2.2.204
Next: 2.2.206
Up: 2.2

Commentaries (1)

Nyāyamañjarīgranthibhaṅga — Cakradhara, Sanskrit